Добринко Илиевски: Убеден сум дека Македонија до 21 година е желна за нов успех, а тоа е важен мотив

Објавено на 20 Јули, 2018 во Вести, До 21 год


Новиот селектор на репрезентацијата на Македонија до 21 година, Добринко Илиевски изразува благодарност до Фудбалската федерација за укажаната доверба да ја предводи младата репрезентација. Популарниот Пижон вели дека ова на некој начин е продолжување на континуитетот на работа со фудбалерите селектирани во изминатите години.

-Веќе четврта година сум дел од младинските национални селекции, од селектор на репрезентацијата до 15 години до предводник на Македонија до 19 години. Благодарност за укажаната доверба, за мене е голем предизвик работата со младата репрезентација. Голем број од фудбалерите во тимот се селектирани изминатите години и на некој начин заеднички ќе го продолжиме континуитетот на работа. Изборот е потврда и за мојата работа во претходниот период и благодарен сум поради тоа.

-Првичната цел е да создадеме добра атмосфера, добро се познаваме со фудбалерите и убеден сум дека сите се желни за надигрување. Тоа е важен мотив, но мора да бидеме одговорни и сериозни. Имаме четири натпревари до крајот на тековниот циклус за ЕП 2019. и ќе се обидеме да оствариме позитивен резултат. Во ноември не очекуваат и два контролни натпревари на гостински терен против Црна Гора, а тоа секако е добро за нашата самодоверба, изјави Добринко Илиевски.

До крајот од квалификацискиот циклус за ЕП 2019. во Италија, Македонија игра на гостински терен против Србија и Русија, а дома ги пречекуваме Ерменија и Гибралтар. 




   
   
Актуелности
Календар

20 Окт

11:00 Фарски Острови - Израел
    У17 квалификации за Европско
15:15 Шпанија - Македонија
    У17 квалификации за Европско

23 Окт

11:00 Шпанија - Фарски Острови
    У17 квалификации за Европско
15:15 Израел - Македонија
    У17 квалификации за Европско

26 Окт

14:30 Македонија - Фарски Острови
    У17 квалификации за Европско
14:30 Израел - Шпанија
    У17 квалификации за Европско

16 Ное

20:45 Лихтенштајн - Македонија
    УЕФА Лига на Нации

19 Ное

20:45 Македонија - Гибралтар
    УЕФА Лига на Нации
А репрезентација