ФФМ - Детска лига: Вложувањата во младоста ќе ни донесе нови фудбалски успеси во иднина

Објавено на 04 Јуни, 2018 во Вести, Детски лиги


Изминатиот викенд на тренинг центарот „Петар Милошевски“ во Скопје се одигра завршниот турнир од ФФМ - Детска лига за сезоната 2017/2018.

Во вистинска фестивалско - фудбалска атмосфера ги добивме новите прваци во шест возрасни категории, а беа поделени и индивидуални награди за најдобрите стрелци и најдобрите голмани по генерации.

Финалниот турнир од Детската лига го следеше и претседателот на ФФМ, Илчо Ѓорѓиоски, кој уште еднаш ја повтори заложбата на федерацијата за грижа кон најмладите бидејќи вложувањата во младоста ќе ни донесе фудбалски успеси во иднина.

-Децата се наша иднина. Би сакал да видам голем број од овие млади дечиња како еден ден сериозно се занимаваат со фудбал. Единственото нешто за кое децата размислуваа на финалниот турнир од ФФМ - Детската лига е како да дојдат до топка и како да играат фудбал, а нашата федерација секогаш ќе се труди да вложува во ваков тип на турнири. Наша должност е да им ја дадеме на најмладите основата, а понатаму тие ќе се развиваат. Најважно е децата да бидат задоволни, бидејќи нивната насмевка не може да се купи, а вреди многу. Вложувањето во младоста ќе ни донесе нови фудбалски успеси во иднина. Би сакал да им се заблагодарам на сите кои помогнаа да ја развиеме ФФМ – Детската лига на ова ниво, се надевам и верувам дека еден ден барем неколкумина од овие деца ќе бидат кандидати за репрезентацијата на Македонија, изјави претседателот на ФФМ, Илчо Ѓорѓиоски.

Изминатиот викенд (02 -03. јуни 2018.) на терените на тренинг центарот „Петар Милошевски“  на финалниот турнир од ФФМ Детски лиги - сезона 2017/2018 учествуваа 48 екипи кои се натпреваруваа во шест возрасни категории - генерација играчи родени 2005. 2006. 2007. 2008. 2009. и 2010. Во секоја од овие генерации се натпреваруваа по осум екипи. Повеќе од 1000 деца од седум региони во државата беа присутни на завршниот турнир на ФФМ – Детска лига.




   
   
Актуелности

10.09.2019    Вести

Македонската репрезентација до 21 година со убедлива победа против Фарски Острови ги отвори квалификациите за ЕП 2021

Селекцијата на Благоја Милевски славеше со 7:1, хет - трик на Димитар Митровски....

Календар

01 Окт

11:00 Романија - Словачка
    Жени У19 квалификации за Европско
15:30 Франција - Македонија
    Жени У19 квалификации за Европско

02 Окт

15:00 Македонија - Казахстан
    Женска А репрезентација квалификации за Европско

04 Окт

11:00 Франција - Романија
    Жени У19 квалификации за Европско
15:30 Словачка - Македонија
    Жени У19 квалификации за Европско

05 Окт

15:00 Македонија - Србија
    Женска А репрезентација квалификации за Европско

07 Окт

11:00 Словачка - Франција
    Жени У19 квалификации за Европско
15:00 Македонија - Романија
    Жени У19 квалификации за Европско
17:00 Црна Гора - Македонија
    У21 квалификации за Европско
20:45 Македонија - Словенија
    А репрезентација квалификации за Европско
А репрезентација