Македонската репрезентација до 16 години со 3:0 славеше победа против Црна Гора на контролниот натпревар одигран денеска на “Билјанини извори” во Охрид.
Нашата младинска селекција доминираше на мечот. Во првото полувреме, Масев, Ристиќ и Акики имаа одлични прилики за отворање на резултатот, но до 39. минута резултатот остана почетниот.
Адриан Велески со одличен продор даде гол за 1:0, а Марин Крстевски пред крајот на првиот дел со еврогол ја удвои предноста за Македонија.
По еден час од натпреварот, Крстевски одлично асистираше до Ристиќ кој реализираше за високи 3:0.
Во вторите 45. минути, Полимац и Емини исто така беа во шанса, но поуспешен беше гостинскиот голман.
Вториот контролен натпревар меѓу двете селекции е закажан за 21. август во 11:00 часот во Охрид.
МАКЕДОНИЈА – ЦРНА ГОРА 3:0 (2:0)
Стадион: „Билјанини извори“, Охрид
Стрелци: 1:0 – Адриан Велески 38`, 2:0 – Марин Крстески 44`, 3:0 – Стефан Ристиќ 60`
Македонија до 16 години: 1. Петар Талески, 3. Михајло Павлов (82` 21. Далибор Марковиќ), 4. Матеј Бочевски, 5. Матеја Масев, 6. Амар Акики (61` 2. Филип Ѓоргиоски), 7. Александар Полимац (61` 20. Медин емини), 9. Стефан Ристиќ (76` 25. Ефе Раифи), 10. Павел Стојанов (61` 17. Огнен Сивевски), 11. Марин Крстевски (61` 16. Рон Мемеди), 15. Илија Аксентиев (82` 24. Марио Стојчевски), 18. Адриан Велески (76` 23. Благојче Седлоски); Селектор: Иљами Исејни;
Црна Гора до 16 години: 1. Дамјан Јанковиќ, 2. Немања Нишавиќ (76` 17. Амар Суљевиќ), 3. Немања Никочевиќ (61` 19. Алден Бајрамовиќ), 4. Петар Мерсениќ (76` 21. Филип Хорхе), 5. Андрија Нововиќ (61` 23. Лазар Булатовиќ), 6. Лазар Грбовиќ (61` 14. Павле јововиќ), 7. Петар Вуковиќ (76` 22. Лука Влаховиќ), 8. Данило Вуковиќ (61` 16. Лука Куч), 9. Славко Конатар (76` 15. Дамјан Бесовиќ), 10. Урош Самарџиќ, 11. Никола Милачиќ (76` 20. Вук Каљевиќ); Селектор: Владан Савиќ.
