Македонската репрезентација до 17 години загуби со минимални 0:1 од селекцијата на Кипар на пријателскиот натпревар одигран денеска на Градскиот стадион во Радовиш.
Нашите млади фудбалери предводени од Влатко Колев имаа неколку добри прилики за постигнување гол, но немаа реализација.
Кирјакос Кристодолу го постигна единствениот погодок на натпреварот во 70. минута од мечот.
Андреј Цветковски во 32. минута и Мартин Џангаровски во 37. минута имаа добри обиди во првото полувреме, Папалиски и Михајловски се заканија во продолжението, но поуспешен беше гостинскиот голман.
Пријателски натпревар, репрезентации до 17 години
МАКЕДОНИЈА – КИПАР 0:1 (0:0)
Македонија до 17 години: 1. Суљовиќ Амин (Г), 2. Џангаровски Мартин, 3. Цветковски Филип, 4. Бајрами Анес, 5. Иванов Марко, 6. Михајловски Грегоријан (К), 7. Руфати Сеид (45’ 17. Лука Кнежевиќ), 8. Љачка Бленди (63’ 20. Ендрит Ганиу), 9. Папалиски Васко (82’ Алек Чедомирски), 10. Цветковски Андреј, 11. Ракипи Сонер (38’ 18. Марко Мирчевски). Селектор: Влатко Колев;
Кипар до 17 години: Николас Георгиу (Г), 2. Сотирис Панаги, 3. Александрос Мидлентон (79` 17. Мартинос Каралампус), 4. Мариос Тумбас (К) (72` 8. Карлосасанте Кристодолидес), 5. Андреас Димитриу, 6. Константинос Литрагкомитис (61` 16. Параскевас Константину), 9. Ромпертос Ротис (45` 10. Максимус Иконому), 11. Давид Герасиму (79` 13. Томас Ставру), 15. Анастасиус Главку (61` 7. Александрос Герокалис), 19. Андреас Пиери (72` 18. Михаил Неопхиту), 20. Кирјакос Кристодолу (72` 14. Марнерос Константину); Селектор: Михаил Марку;
Македонија и Кипар ќе се соочат и во четврток, исто така, на стадионот во Радовиш од 13:00 часот.
