Federata e Futbollit e Maqedonisë ka privilegjinë, përgjegjësinë dhe mundësinë për të qeverisur futbollin në Maqedoni në të gjitha aspektet e tij.

Ne po e arrijmë zhvillimin e futbollit amator dhe profesional në partneritet dhe bashkëpunim me FIFA-n dhe UEFA-n, si organizatat e futbollit, ku jemi anëtarë të plotë, me Qeverinë e Republikës së Maqedonisë, me ekonominë dhe, natyrisht, me sponsorët.

Duke marrë përsipër rolin, dhe me të edhe përgjegjësinë e të qenit në futboll, ne duhet të përshtatemi me rrethanat që ndryshojnë dhe zhvillohen vazhdimisht. Ne duhet të përballemi me të gjitha sfidat e reja që futbolli i sjell botës. Ne duhet të vendosim qëllime të reja që do të na çojnë drejt suksesit, në një mënyrë të drejtë dhe me vlera të vërteta. Çdo vit, ne do të përpiqemi të jemi fitues si në aspektin sportiv, poashtu edhe në atë organizativ dhe administrativ.

Misioni ynë është t'i shërbejmë dhe ta udhëheqim Federatën e Futbollit të Maqedonisë drejt arritjes së rezultateve dhe me një lidership të suksesshëm të ndërtojmë integritet me qëllim ruajtjen e lojës së futbollit në tërësi. Të mbrojmë dhe të kujdesemi për të ardhmen e futbollit, duke forcuar një mentalitet fitues dhe duke mundësuar qasje për të gjithë ata që duan të jenë pjesë e futbollit në Maqedoni. Misioni ynë është të bashkëpunojmë me organizatat dhe shoqatat lokale dhe rajonale, klubet, ligat, spektatorët, tifozët dhe palët e tjera që udhëheqin lojën dhe të përshpejtojmë rritjen, zhvillimin dhe vazhdimësinë e futbollit në Maqedoni.

FFM është në bashkëpunim të ngushtë dhe me tendencë për të forcuar marrëdhëniet me FIFA-n dhe UEFA-n, organizata që kanë një rol të rëndësishëm në zhvillimin e futbollit, në promovimin e shëndetit dhe arsimimit në Maqedoni, në fqinjësi dhe në mbarë botën.

Futbolli në Maqedoni është një nga ambasadorët tanë më të mëdhenj, një promovues i lojës së ndershme, i përfshirjes sociale dhe shoqërore, një promovues i shëndetit dhe arsimit në shoqërinë tonë. Misioni ynë është të mbrojmë vlerat dhe parimet kryesore të lojës së futbollit, siç janë: Integriteti, diversiteti, dinjiteti, rregullat e lojës, gjyqtarët, kundërshtarët dhe mbështetësit, me qëllim që të mbrojmë frymën e vërtetë të lojës sonë.

Vizioni ynë është të bëhemi një organizatë e respektuar futbolli, si brenda vendit ashtu edhe ndërkombëtarisht, një organizatë që u shërben të gjithë atyre që janë të interesuar në lojën e futbollit në vend. Ne jemi të përkushtuar për të respektuar lojën e futbollit dhe kundërshtarët tanë me lojë të ndershme, me përgjegjësi dhe respekt për të gjithë individët, qofshin ata lojtarë, spektatorë, tifozë, mbështetës, partnerë apo vetë shoqëria, ligji dhe rregullat e lojës, që është përgjegjësia jonë ndaj familjes ndërkombëtare të futbollit.