Фудбалската федерација на Македонија (ФФМ) ѝ посакува успех на ФК Шкендија на вечерашниот натпревар во Лигата на шампионите против Карабах.
Веруваме во тимот и се надеваме дека и понатаму ќе нè радува со настапите во европските купови. Во пресрет на вечерашниот натпревар, апелираме до сите навивачи и љубители на фудбалот да навиваат спортски.
Упатуваме повик до сите присутни да не подлегнуваат на провокации и да одбегнуваат навреди по било каква основа. Само со фер-плеј, достоинствено однесување и заедништво, чекор по чекор, да докажеме дека македонскиот фудбал може да напредува, на теренот и надвор од него.
Фудбалот обединува.
Не смееме да дозволиме провокациите и навредите да бидат пред фудбалот, спортските и човечките вредности. Да покажеме дека знаеме да навиваме со страст, но и со почит. Фудбалот на прво место!
