Две победи од два натпревари во пролетниот дел има екипата на Шкендија. Добриот почеток на втората полуетапа од сезоната сега сака да го продолжи и со гостувањето во Кратово кај Силекс. Тетовскиот тим во овој дуел влегува после европскиот настап и дуелот против Самсунспор во Лигата на Конференции, па актуелниот првак и немаше многу време за подготовка.
Сепак, од таборот на Шкендија се надеваат дека ќе ја продолжат серијата на победи во Првата македонска фудбалска лига, и дека ќе останат во игра за одбрана на титулата.
„Немавме многу време да се подготвиме за овој натпревар, затоа што игравме тежок и исцрпувачки меч во Европа. Играме натпревари кои бараат многу енергија, но сега сме максимално фокусирани кон дуелот со Силекс. Сите сме подготвени за овој натпревар, и сакаме да дојдеме до позитивен резултат. Пролетниот дел од сезоната го започнавме многу добро, со две победи, и сакаме така да продолжиме. Екипата на Силекс е квалитетна, но ние одиме по победа“, рече фудбалерот на Шкендија, Александар Трумчи.
