Тежок распоред имаше новиот прволигаш Скопје во првите четири кола од шампионатот. Се сретна со екипи кои ќе конкурираат за самиот врв на табелата, па оттаму двете ремија и двата порази и не се ефект што треба премногу да разочарува. Избраниците на тренерот Муарем Муарем денеска се соочуваат со Арсими на гости во Гостивар и се надеваат дека би можеле да стигнат до првиот триумф во елитата.
„Одиме по трите бода. Нѐ очекува важен натпревар и силна борба за нови бодови. Веруваме во триумф“, порачуваат од Автокоманда.
Во пресрет на овој натпревар, Скопје се наоѓа на деветтата позиција со два бода, додека Арсими е на седмото место и има шест освоени бода.
Натпреварот меѓу Арсими и Скопје ќе се одигра денеска, со почеток во 16.30 часот на Градскиот стадион во Гостивар, а ќе го суди Влатко Илиоски.
