Во дуелот на двете екипи кои се меѓу главните конкуренти за шампионската титула во Младинската Супер лига, АП Брера на гостувањето во Скопје го совлада Вардар со 4:1.
Струмичани поведоа во 27 минута со голот на Иван Шириќ. По пет минути игра во второто полувреме Иван Танчев зголеми на 2:0, а во 52. Никола Ристевски беше стрелец на единствениот гол за Вардар.
Само шеесетина секунди подоцна Матеј Сејменов и носи предност на АП Брера од 3:1, а во 57. повторно се запиша во листата на стрелците поставувајќи го конечниот резултат.
Со овој триумф АП Брера остана на чело на табелата со 46 бода, четири повеќе од Работнички додека трет е Вардар со 39. Во трката за шампионскиот трофеј е и Македонија ЃП која е четврта со 37 бода.
Тимот од Ѓорче Петров денеска беше убедлив во дуелот против Скопје и триумфираше со 11:0. Четири гола постигна Марко Младеновиќ, три пати прецизен беше Борјан Томовски, два гола погодоци беа дело на Бесмир Исмани, а по еднаш меѓу стрелците се запишаа Константин Апостолоски и Марко Блажески.
В среда Работнички го пречекува Арсими, а на програмата се и мечевите Охрид Лихнидос – Тиквеш, Њу Старс – Брегалница, Шкендија Тетово – Струга Трим Лум и Пелистер – Башкими.
