Во рамките на 11-тото коло од Првата македонска фудбалска лига, Шкендија го пречекува стариот ривал Вардар во битка за престиж и нови три клучни бода.
Тетовци влегуваат во овој дуел со јасна тактичка замисла — повторување на рецептот од второто коло, кога во Скопје извојуваа убедлива победа од 2:0. По позитивниот резултат против Скопје, во таборот на Шкендија владее одлична атмосфера, а чуварот на нивната мрежа, Бабукар Гаје, јасно ги истакна амбициите пред денешната пресметка.
„Имам целосна доверба во сите во тимот, но тоа мора да го потврдиме таму каде што е најважно — на теренот. Не само на тренинзите, туку на секој натпревар и во секоја секунда! Мора максимално да ги користиме шансите што ги создаваме, бидејќи кога постигнуваш голови, фудбалот станува многу полесен. Моја примарна задача е да ја сочувам мрежата недопрена. Се надевам дека таа серија ќе започне уште денеска, бидејќи тоа ни недостигаше во последните недели. Владее одличен дух во екипата, го имаме оној внатрешен мотив кој е од пресудно значење и верувам дека ќе ги освоиме сите три бода“, порача Гаје.
