Ekipi i Sileksit është në një seri prej gjashtë ndeshjesh pa fitore. Ekipi nga Kratova ka rënë në një mini-krizë dhe pas tre humbjeve, tani ka barazuar tre herë me Bregalnicën, Tikveshin dhe Arsimin.
Ata do të kërkojnë fitoren sot në mesditë, në ndeshjen kundër Bashkimit në transfertë. Sileksi e respekton kundërshtarin, por premton për përpjekje maksimale dhe lojë të përkushtuar për të arritur më në fund deri te triumfi në Ligën e Parë të Maqedonisë.
"Po luajmë kundër një kundërshtari të vështirë në fushën e vet. Bashkimi kohët e fundit ka treguar se mund të përballojë çdo ekip dhe barazoi kundër Vardarit, dhe mundi ekipin e Strugës. Megjithatë, unë besoj në cilësitë tona dhe se do të japim maksimumin për të fituar tre pikët në këtë ndeshje. Duhet t'i respektojmë plotësisht të gjitha detyrat që do të na jepen, të jemi të përqendruar dhe shpresoj se në fund do të arrijmë fitoren", tha Darko Angjeleski, kapiteni i Sileksit.
Ndeshja midis Bashkimit dhe Sileksit do të luhet në stadiumin e Bashkimit në Kumanovë, duke filluar nga ora 12:00.
