Tikveshi pati një start të fuqishëm të ndeshjes dhe që në minutën e 3-të arriti të shënonte. Nikolovski ekzekutoi një goditje nga këndi, ndërsa në zonën e vogël u fut shkëlqyeshëm Laval, i cili me kokë e mposhti Jasharin dhe vendasit kaluan në epërsi.
Tikveshi vazhdoi me sulmet dhe në minutën e 16-të tashmë ishte 2:0. Pas një aksioni të shpejtë në krahun e djathtë dhe një topi të dërguar në zonën e vogël, Riste Temelkov e preku topin dhe shënoi autogol.
Skuadra nga Kavadari pati edhe një mundësi tjetër, përmes Silës, i cili gjuajti vetëm pranë portës, duke humbur kështu mundësinë që Tikveshi të arrinte golin e tretë. Në pushim shkoi me rezultatin 2:0.
Në pjesën e dytë loja nuk ishte aq dinamike sa në të parën. Megjithatë, në fund Tikveshi arriti të shënonte edhe golin e tretë. Pas një aksioni të shkëlqyer, Nikollovski asistoi për herë të dytë, këtë herë për Luzianinjon, i cili shënoi në portën e Jasharit për një fitore të lehtë dhe bindëse të Tikveshit.
