Во последниот натпревар од третото коло во Фудбалскиот шампионат на Македонија во женска конкуренција, Љуботен триумфираше над Кочани си 8:2 и е единствениот тим со максимален учинок на почетокот од сезоната.
Најзаслужна за победата беше Улза Максути која три пати се запиша во листата на стрелците и тоа во 14., 15. и 34. минута, а серијата погодоци ја отвори Роберта До Насименто Лурдес во третата минута.
До крајот на првиот дел мрежата на Кочани ја затресе Калина Попески која противничката голманка ја совлада и на пет минути пред крајот на мечот.
По еден погодок на дуелот во Тетово беше дело на Михаела Додевска (55) и Ива Јованоска (64). Головите за Кочани ги постигнаа Ива Салтирова во седмата и Катерина Милеска од пенал во 83. минута.
Во дербито на третото коло, бранителот на титулата Скопје како гостин ја совлада Тиверија Брера со 3:0. Шампионот поведе со голот на Рабија Дервиши во десеттата минута. По една минута игра во второто полувреме Јована Каралиоска зголеми на 2:0, а конечниот резултат го постави Блехана Алиеска во 53. минута.
Вчера Ас Јунајтед во Скопје забележа победа од 4:1 во мечот против Истатов. Домаќинот поведе со погодокот на Канита Емини во 20. минута, а во второто полувреме гостинките успеаа да направат пресврт.
Во 59. Тамара Лазаеска израмни на 1:1, а потоа следуваа головите на Сара Дика, Јована Павловска и Оливера Цоклеска.
Во останатите два натпревари Пелистер Про како гостин триумфираше над Вардар со 4:3 додека гостинска победа забележа и Каменица Саса во соочувањето со Речица.
