Në kuadër të xhiros së 18-të, ekipi i Arsimit pret një ndeshje të rëndësishme kundër AP Brera nga Strumica. Mesfushori i Arsimit, Malić Behluli, pret që pikët të mbeten në Gostivar.
“Po flasim për një kundërshtar cilësor, por skuadra është e përgatitur maksimalisht dhe e fokusuar me një qëllim të qartë për të fituar tre pikët.”.
Pas humbjes ndaj liderit Vardar në raundin e kaluar, ekipi bëri një analizë të detajuar dhe gjatë javës punoi me përkushtim për të korrigjuar gabimet. Ajo ndeshje është lënë pas dhe shërben si një motiv shtesë për një performancë më të mirë.
"Kundër mysafirëve, skuadra do të luftojë deri në fishkëllimën e fundit për fanellën, për klubin dhe për mbështetjen e tifozëve. Qëllimi është një fitore e pastër dhe mbajtja e pikëve në tokën vendase", tha lojtari i Arsimit.
Ndeshja midis Arsimit dhe Ap Brerës nga Strumica do të luhet të hënën duke filluar nga ora 14:00 në stadiumin e qytetit në Gostivar.
