Klubi i rikthyer në elitën e futbollit në Maqedoni, Bregalnica e Shtipit, arriti që të regjistrojë fitoren e parë të sezonit të ri pasi mposhti në fushën e vet ekipin e Arsimit me rezultatin bindës 4-0. Para publikut të vet, ekipi i Shtipit arriti të arkëtojë tri pikët e dëshiruara përmes dominimit të plotë.
Martin Stojanov i dha ekipit vendas epërsinë në minutën e 10-të. Maksimov krosoi nga e majta, dhe Stojanovski mposhti Siljanovskin që nga minuta e parë duke i dhënë Bregalnicës epërsinë.
Ishte asistenti Maksimov ai që shënoi në minutën e 28-të. Ai mori bukur një krosim nga krahu i djathtë dhe arriti ta dërgonte topin me kokë në këndin e poshtëm të majtë për një epërsi prej dy golash.
Në pjesën e dytë vazhdoi dominimi i Bregalnicës, i cili u kurorëzua me një gol nga Martin Stojanov.
Pas golit të tretë të pësuar, Arsimi mori iniciativën, por të gjitha përpjekjet e tyre u neutralizuan nga lojtarët vendas.
Tasev arriti të shënojë golin e katërt për Bregalnicën në minutën e 86-të pas një asisti nga Luka Georgiev, për rezultatin përfundimtar 4-0 në këtë ndeshje.
