Përfaqësuesja e Maqedonisë U-19 u ndal në barazim pa gola kundër ekipit përkatës të Shqipërisë në ndeshjen e parë miqësore të zhvilluar në Korçë.
Të dyja ekipet luajtën një ndeshje shumë të fortë, me shumë shpirt luftarak dhe vrapim. Mbrojtjet e të dyja ekipeve ishin në lartësinë e detyrës, duke mos lënë shumë hapësirë për lojë. Maqedonia luajti një pjesë të dytë më të mirë krahasuar me të parën, në të cilën ata kishin më shumë pjesë të lojës, por në fund rrjetat mbetën të paprekura.
Ndeshja e dytë kontrolluese midis këtyre dy ekipeve kombëtare do të luhet më 23 mars, duke filluar nga ora 12:00, gjithashtu në Korçë.
