Përfaqësuesja e Maqedonisë në futbollit luajti barazim 1-1 kundër Kazakistanit në një ndeshje kualifikuese për Kupën e Botës 2026, e cila do të mbahet në Shtetet e Bashkuara, Kanada dhe Meksikë.
Ndeshja nuk nisi mirë për ekipin e Blagoja Milevskit, i cili ndau përshtypjet e tij në një konferencë për media pas ndeshjes.
"Nëse do të mundja, do të ndryshoja formacionin titullar dhe disa nga lojtarët. Nuk u habitëm nga Kazakistani, por kishim pak kohë për analizë. Plani ishte të imponoheshim me një taktikë të caktuar, por nuk funksionoi, kështu që bëmë zëvendësime në pushimin e pjesës së parë. Pjesa e dytë ishte tashmë fytyra e vërtetë e Maqedonisë. Miovski u detyrua të luante në një pozicion anësor, por duhej të bëhej një korrigjim shpejt. Nëse nuk do ta kishim ndryshuar sistemin, do të më duhej të bëja një zëvendësim në minutën e 15-të", vuri në dukje Milevski.
Ai shtoi se skuadra ishte nervoze në fillim, gjë që ishte rezultat i ngarkesës fizike në ndeshjen kundër Belgjikës.
"Në pjesën e parë, humbëm shumë duele dhe topa të dytë, por reagimi në pjesën e dytë ishte pikërisht ai që prisja. I përgëzoj lojtarët - me lojën në pjesën e dytë e merituam fitoren, por futbolli ndonjëherë është mizor. Kazakistani luajti shkëlqyeshëm, por ne ishim akoma më afër triumfit. Kur shoh që të gjithë janë të zhgënjyer pas një barazimi, kjo më tregon se kemi karakter dhe cilësi. Në këto 14 ndeshje zyrtare të fundit, jemi të pamposhtur dhe kemi pësuar vetëm pesë gola. Zhgënjimi tani tregon vetëm se jemi një ekip i pjekur. Do të shkojmë në Kardiff për të shijuar futbollin dhe do të shohim se çfarë do të sjellë kjo", tha trajneri Milevski në konferencën për media pas ndeshjes.
