Përfaqësuesja e Maqedonisë në futboll do të luajë ndeshjen e fundit të kualifikimeve për Kupën e Botës 2026 nesër në mbrëmje (ora 20:45). Nëse ia dalim të shmangim humbjen në ndeshjen si mysafir në Kardif kundër Uellsit, do të sigurojmë vendin e dytë në grup dhe do të marrim një kundërshtar më të lehtë në letër në eliminatoret për kualifikim në Kupën e Botës.
Trajneri Blagoja Milevski është i bindur se skuadra ka forcën për t'u përballur me sfidën dhe për të përmbushur detyrën e caktuar.
"Jemi të përgatitur për atë që na pret. Kemi një ndeshje që do të vendosë shumë, por mesazhi im për lojtarët është ta luajnë me kënaqësi. Uellsi është një ekip i fortë me një trajner të shkëlqyer, por të dyja ekipet janë praktikisht të njëjta si në ndeshjen e parë në Shkup. Jam i bindur se do të japim përgjigjen e duhur dhe se do t'i realizojmë qëllimet tona", tha trajneri Blagoja Milevski në konferencën për shtyp para ndeshjes.
