Skuadra e Bashkimit kërkon një fitore të re, pas dy humbjeve radhazi të pësuara nga Vardari dhe AP Brera. Pas fitores minimale ndaj Pelisterit në raundin e 17-të (1-0), skuadra e Kumanovës tani synon tre pikë të reja në misionin e saj kryesor - mbijetesën në elitën e futbollit vendas. Muharem Mislimi beson se Bashkimi ka forcën e nevojshme për të kapërcyer sfidën që i paraqesin lojtarët e rinj të Shkupit.
„"E mirëpresim Shkupin në stadiumin tonë, edhe pse zyrtarisht jemi mysafirë. Ekipi i Shkupit mbështetet te forcat e saj të reja dhe pikërisht aty e shoh forcën e tyre më të madhe. Nuk duhet nënvlerësuar; nevojitet angazhim maksimal sepse pikët nga kjo ndeshje janë thelbësore për ne. Besoj dhe shpresoj fuqimisht që pas 90 minutash lojë, rezultati do të jetë pozitiv për ne", tha ndër të tjera Mislimi.
Në tetë ndeshjet e fundit midis këtyre dy ekipeve, bilanci është si më poshtë: 4 fitore për Bashkimin; 3 fitore për Shkupin dhe një barazim (2-2).
Ndeshja e xhiros së 21-të midis Shkupit dhe Bashkimit do të luhet në stadiumin e Kumanovës, me fillim në orën 14:00.
