Ndeshja në Kavadarci nisi mirë për ekipin vendas, i cili kaloi në epërsi që në aksionin e parë serioz. Pas një depërtimi të shpejtë në anën e djathtë, Laval e dërgoi topin me kokë në rrjetën e mysafirëve nga Shkupi me një gjuajtje të saktë.
Menjëherë më pas, Luciano arriti të depërtonte në zonën e penalltisë së Shkupit, por përpjekja e tij u ndal nga portieri mysafir. Pak më vonë, portieri Musliu u tregua përsëri në krye të detyrës, duke pritur gjuajtjen e Guelit.
Në minutën e 25-të, Laval u tregua më i fuqishëm se mbrojtja kundërshtare dhe gjuajti në këndin e largët, ku Luciano vetëm sa e konfirmoi aksionin dhe e çoi rezultatin në 2-0.
I radhës që e vuri në provë mbrojtjen e mysafirëve ishte Stojkovski, por falë ndërhyrjes së shkëlqyer të Musliut, rezultati mbeti i pandryshuar. Epilogun e njëjtë e pamë edhe në duelin tjetër midis Musliut dhe Lavalit, ku portieri i ri shkupjan doli sërish fitues.
Megjithatë, në minutën e 37-të, pas një kundërsulmi të shpejtë, Luciano me mjeshtëri e goditi portierin kundërshtar, duke shënuar golin e tij të dytë në ndeshje për një rezultat të madh 3-0 në favor të ekipit vendas.
Pjesa e dytë nisi me përpjekjen e parë serioze të Shkupit, por gjuajtja e Feratit përfundoi pak jashtë portës së Tikveshit. Në anën tjetër, Tikvesh u kundërpërgjigj menjëherë me anë të Sulës, përpjekjen e të cilit e ndali me këmbë portieri Musliu.
Megjithatë, në aksionin e radhës, Luciano u rikthye në skenë. Me një efikasitet të jashtëzakonshëm, ai shënoi golin e tij të tretë, dhe shumë shpejt edhe të katërtin, në ndeshje, duke i dhënë Tikveshit një epërsi bindëse prej 4-0.
Kristijan Gjorgjievski shënoi golin e pestë të kësaj ndeshjeje, ndërsa Martin Stojanov mbylli serinë e shënimeve.
