Në raundin e dytë të Ligës së Parë të Futbollit për Vajzat, u luajtën katër ndeshje. Ekipet mysafire shënuan fitore në të gjitha ndeshjet e zhvilluara.
Në ndeshjen derbi në Kamenicë, skuadra vendase SASA pësoi disfatë nga kampioni aktual, Luboteni, me rezultatin 2:0. Ajuri Teravaki në minutën e 30-të dhe Julija Živić, dy minuta pasi hyri në lojë, në minutën e 77-të, ishin golashënuesit për skuadrën nga Tetova.
Në ndeshjen në Przhino të Shkupit, skuadra e Istatovit pësoi disfatë nga AS Junajted me rezultatin bindës 3:0. Sela Vesa dhe Ana Beatriz shënuan golat në pjesën e parë, ndërsa Teodora Dalçeska shënoi golin e tretë për AS Junajted në minutën e 84-të.
Skuadra e Koçanit u mposht në shtëpi nga Reçica me rezultatin 1:3. Angjela Petkovska hapi rezultatin në minutën e 12-të, ndërsa Emili Mitkovska shënoi dy gola në fitoren e ekipit mysafir.
Në Manastir, skuadra vendase "Top Gol" pësoi disfatë 0:1 ndaj Skopje 2014. Jovana Karalioska shënoi golin e vetëm të vlevshëm për tre pikë për Shkupi 2014 në minutën e 48-të.
AS Junajted, Luboteni dhe Skopje 2014 kanë efektin maksimal prej dy raundeve të zhvilluara deri më tani.
