Struga Trim Lum ka shënuar tri fitore në fillim të sezonit, dhe kjo u jep motiv shtesë lojtarëve dhe stafit trajner për të vazhduar me të njëjtin ritëm në duelin kundër Bashkimit.
Mbrojtësi Gledi Mici thotë se skuadra është gati për sfidën e re, megjithëse e di që nuk do të jetë e lehtë të fitojë pikë në Kumanovë:
"Bashkimi e nisi sezonin në elitë në një mënyrë pozitive. Ata kanë një skuadër cilësore dhe përveç kësaj gëzojnë mbështetje të madhe nga publiku. Jemi të vetëdijshëm për atë që na pret në Kumanovë, por jemi gati për sfidën dhe besojmë se do të arrijmë të vazhdojmë serinë tonë fituese", tha Gledi Mici.
Struga Trim Lum ka pasur një nisje perfekte deri më tani, me tre ndeshje dhe tre fitore. Ekipi fitoi 2:0 në shtëpi kundër Makedonija GJP dhe kundër Rabotniçkit, dhe gjithashtu regjistroi një triumf në transfertë kundër Arsimit (1:2).
