Shkëndija do të përballet me Shkupin në një ndeshje ku favoriti dihet tashmë, por kjo nuk do të thotë që lojtarët nga Çairi do të dorëzohen pa luftuar. Trajneri i Shkupit, Alisa Vishi, thekson se kjo është një sfidë e vështirë, por beson se çdo lojtar që del në fushë do të japë maksimumin. Ai shpreson që ky angazhim dhe sakrificë e lojtarëve do të shpërblehet në sezonin e ardhshëm.
"Po përballemi me një ndeshje shumë të vështirë. Kemi respekt për Shkendinë dhe tifozët e saj. Vazhdojmë në rrugën tonë dhe i urojmë Shkendisë suksese deri në fund. Jam krenare për këta djem që luftojnë në çdo ndeshje dhe japin më të mirën e tyre. Shpresoj që kjo përpjekje dhe sakrificë e këtyre lojtarëve të rinj të shpërblehet sezonin e ardhshëm", tha ndër të tjera trajneri ei Shkupit, Alisa Vishi.
Historia e dueleve të ndërsjella flet në favor të Shkëndijës. Ekipi nga Tetova ka 22 fitore, ndërsa Shkupi ka regjistruar vetëm 6 triumfe deri më tani. Ajo që është për t'u habitur është numri i madh i barazimeve - plot 12 ndeshje përfunduan pa fitues.
Ndeshja Shkëndija – Shkupi do të luhet në stadiumin e qytetit në Tetovë, me fillim në orën 15:30.
