Младата репрезентација на Македонија до 21 година со пораз ги заврши квалификациите за пласман на Европското првенство 2027. Избраниците на селекторот Александар Таневски загубија со 2:0 на гостувањето против Шведска.
Домаќинот го отвори резултатот во 15. минута преку Свенсон, додека Нџие во 52. минута го постигна вториот гол и ги постави конечните 2:0.
Македонија во квалификацискиот циклус освои седум бодови и заврши на петтото место во групата, во конкуренција на Италија, Полска, Шведска, Црна Гора и Ерменија.
Седумте освоени бодови дојдоа од две победи над Ерменија (2:1 и 2:0) и ремито против Црна Гора (1:1) во Битола.
Првото место во групата го освои Италија со 27 бодови, колку што освои и Полска, но „аѕурите“ со подобар меѓусебен скор го обезбедија првото место и пласманот на Европското првенство.
ШВЕДСКА: Андерсон В., Котон О., Аморон П., Самуелсон О., Толф Н., Свенсон В., Гајгер Ј., Гунарсон К., Росенквист Ц., Остман Л., Нџие А.
МАКЕДОНИЈА: Џеков Љ. Аризанкоски А., Мурати А., Мурати Р., Данев Д., Масларов И., Николовски Т., Тасовски В., Велков А., Величковски Н., Љатифи А.
