Mësohen emrat e gjashtë ekipeve që do të vazhdojnë pjesëmarrjen e tyre në Kupën e Maqedonisë.
Në derbin e fazës së 1/8 së finales të garës më masive në futbollin vendor, Tikveshi arriti që në Shkup të mposht Vardarin me rezultat 3:1.
Serinë e golave e hapi Okere Visdom në minutën e 49-të. Nëntë minuta më vonë, Boban Nikollov barazoi shifrat në 1:1, ndërsa në minutën e 62-të Sila N’Fanli i dha epërsinë Tikveshit, 2:1. Rezultatin përfundimtar e vendosi Emanuel Laval me golin e shënuar në minutën e 75-të.

Makedonija GJ.P. eliminoi Bregallnicën e Shtipit pas ekzekutimit të penalltive. Mysafirët në pjesën e parë kishin epërsi 2:0, ndërsa golashënuesit ishin Ivan Nikollov në minutën e 26-të dhe Ivan Gligorov në minutën e 36-të.
Në minutën e 58-të, Borjan Tomovski e ngushtoi epërsinë në 2:1, ndërsa në minutën e parafundit të ndeshjes Besmir Ismani shënoi golin e dytë për Makedonija GJ.P. Në serinë e penalltive më i suksesshëm ishte vendasit, i cili në fund festoi me 5:4.

Një gol e vendosi duelin mes Skopjes dhe Novacit. Golashënues i golit të fitores për ekipin vendas ishte Millosh Gordiç në minutën e 67-të.
Struga Trim Lum e vendosi duelin kundër Bellasicës që në pjesën e parë, me golat e Marjan Radeskit në minutat 35 dhe 38.
Rabotniçki shënoi fitore 3:2 në përballjen me Kamenica Sasa-n. Mysafirët nga Kamenica e Maqedonisë kaluan në epërsi me golin e Filip Nikollovskit në minutën e 15-të. Nëntë minuta më vonë, Aleksandar Bogdanoski barazoi në 1:1, ndërsa në minutën e 31-të i njëjti lojtar i dha epërsi Rabotniçkit, 2:1.

Pas dhjetë minutash lojë në pjesën e dytë, Nikollovski shënoi sërish për barazimin 2:2, ndërsa rezultatin përfundimtar 3:2 e vendosi Bogdanoski në minutën e 80-të.
Shkëndija nga Haraçina, siguroi një vend në çerekfinale pasi fitoi 2:0 në transfertën në Kumanovë kundër Bashkimit.
Marko Simonovski ishte autor i golit të parë për Shkëndijën, ndërsa golin e dytë e shënoi Besir Demiri në minutën e 77-të nga penalltia.

Pelisteri në Manastir priti Sileksin, i cili triumfoi me 3:0, ndërsa golashënues për skuadrën nga Kratova ishin Esmir Hasukiç në minutat 11 dhe 33, si dhe Nikolla Majnolov në minutën e 35-të. Më 25 nëntor është caktuar ndeshja e fundit e 1/8 së finales, në të cilën AP Brera është nikoqire kundër Arsimit.





