Humbja ndaj Pelisterit e ka larguar Shkendijën me tri pikë nga kryesimi. Ata kanë një shans për t'u përmisuar këtë çështje në ndeshjen kundër Rabotniçkit.
Kampioni nuk ka më të drejtë të bëjë gabime dhe do të duhet të shkojë për fitore në çdo ndeshje deri në fund të sezonit.
"Të them të drejtën, ajo ndeshje me Pelisterin na zhgënjeu të gjithëve, si ne ashtu edhe tifozët, sepse nuk kishim pse t'i humbisnim ato pikë. Por tani duhet të jemi autokritikë dhe të marrim përgjegjësi. Gjëja e mirë në këtë situatë është se kemi një ndeshje të re pas tre ditësh, e cila na jep mundësinë të korrigjojmë gabimin që bëmë dhe të kthehemi te fitorja", thotë Albin Zejnulai.
Lojtari i Shkëndijës beson se diferenca mund të anulohet deri në fund të sezonit.
"Kanë mbetur tetë ndeshje dhe jemi plotësisht në garë. Duhet ta lëmë pas humbjen e fundit dhe të përqendrohemi te e ardhmja. Duhet të jemi të vetëdijshëm se çdo ndeshje deri në fund është si një 'mini-finale' për ne. Nuk kemi vend për të humbur pikë, kështu që motivimi ynë duhet të jetë maksimal, njësoj si në një finale të vërtetë", tha Zeynulai.
Kampi i Shkendijës është i vetëdijshëm se detyra nuk do të jetë e lehtë.
"Në futbollin modern nuk ka ndeshje të lehta. Rabotniçki po vjen nga një seri e mirë, por kushdo që dëshiron më shumë fitoren dhe punon më shumë në fushë, ai e merr rezultatin. Duhet të jemi të përgjegjshëm dhe maksimalisht të përqendruar. Nëse japim 100% të vetes, duke pasur parasysh cilësinë që kemi, Shkëndija nuk do të ketë probleme për ta fituar ndeshjen", tha Zejnulai.
