Raundi i nëntëmbëdhjetë në Kampionatin e Futbollit të Maqedonisë do të mbyllet me ndeshjen mes Maqedonia Gj.P. dhe Tikveshit. Skuadra vendase këtë pranverë nuk ka të drejtë për gabime – detyra e saj është të fitojë sa më shumë pikë të jetë e mundur, në mënyrë që të ruajë statusin e klubit në elitë.
Tikveshi e nisi mirë këtë pranverë. Me fitoren ndaj Shkupit 6:0, më pas zhvilloi edhe një pjesë të parë shumë të mirë kundër Shkëndijës kur kaloi në epërsi 1:0. Megjithatë, kampioni në fund nga Kavadari u largua me pikë duke bërë përmbysje 1:4.
Futbollistet nga Kavadari për herë të parë këtë pranverë do të udhëtojë si mysafir, sepse dueli kundër Shkupit, edhe pse në letër ishte i shënuar si ndeshje në transfertë, në fakt u zhvillua në stadiumin e tyre.
“Kjo për ne është një nga ndeshjet kyçe të sezonit. Thjesht duhet të futemi në pjesën e sipërme të tabelës, dhe po përgatitemi që sot të marrim tre pikët. Kundër Shkëndijës e luajtëm keq gjatë pjesë të dytë dhe është koha të tregojmë kundër një kundërshtari të përshtatshëm, siç thuhet, për çfarë jemi dhe ku synojmë” – tha Kristijan Açkovski.
