Dy fitore radhazi, dhe shumë të rëndësishme, ose tre triumfe në katër ndeshjet e fundit. Nëntë pikë me të cilat AP Brera "merr jetë" seriozisht dhe ngjitet në mesin e tabelës në Ligën e Parë.
Por skuadra e strategut të ri Martin Alagjozovski nuk dëshiron të ndalet tani, përkundrazi, dëshiron të shfrytëzojë vrullin dhe të arrijë triumfin në ndeshjen e sotme kundër Bashkimit në fushën e vet.
"Lojtarët e kanë pranuar filozofinë time dhe ne po përmirësohemi në çdo ndeshje pasuese. Besoj se do të vazhdojmë me të njëjtin stil", thotë kreu i stafit trajner të Brerës.
Bashkimi është një rival i rrezikshëm kur luan jashtë fushe. Pelister dhe Rabotniçki e kanë ndjerë këtë më parë, kështu që Brera do të duhet të jetë e kujdesshme dhe e përqendruar maksimalisht gjatë gjithë ndeshjes.
