Ekipi i AP Brera pret sot (15:30) Makedonija Gj.P. në një nga duelet direkte për mbijetesë. Kampionati ka hyrë në fazën finale dhe tani nuk ka vend për gabime të mëdha.
Këtë e di edhe strategu i AP Brera-s, Martin Alagjozovski.
"Kjo është një nga ndeshjet kundër konkurrentëve të drejtpërdrejtë për mbijetesë. Nuk kemi të drejtë të bëjmë gabime. Po luajmë në shtëpi dhe qëllimi ynë është të fitojmë tre pikët. E dimë që nuk do të jetë e lehtë, sepse edhe Makedonija Gj.P. i duhen shumë pikët. Por ne jemi të gatshëm të luajmë më mirë dhe besojmë se do të arrijmë një triumf", thotë kreu i stafit trajner të AP Brera.
Ekipi i Strumicës aktualisht është në vendin e tetë me 32 pikë, njësoj si Arsimi i vendit të shtatë, dhe është në garë për të shmangur pozicionet që çojnë në fazën eliminatore për rënie nga kategoria. Makedonija GP është në vendin e parafundit, me 23 pikë në tabelë.
