Arsimi mposhti Vardarin në shtëpi me rezultatin 1-0, duke e bërë betejën për titull edhe më interesante, pasi Shkendija triumfoi edhe ndaj Makedonija Gj.P. në transfertë, dhe tani dy rivalët më të mëdhenj hyjnë në nëntë raundet e fundit me numër të barabartë pikësh.
Spahiu, Velkovski dhe Matiç kërcënuan nga ekipi i Vardarit, e më pas Gafuri në anën tjetër, por nuk pati ndryshim në rezultat deri në minutën e 44-të.
Arsimi kaloi në epërsi pas një aksioni të Dardhishtës i cili ia pasoi deri te Mustaf, që dërgoi topin në zonën e penalltisë, ku u gjend Goni, i cili mposhti Taleskin dhe i solli avantazh për ekipit vendas.
Në pjesën e dytë, Vardari kishte iniciativën dhe posedimin e plotë të topit, por i mungonte përqendrimi në përfundimin e aksioneve. Velkovski pati dy raste, dhe më pas rasti më i mirë erdhi në minutën e 77-të kur Zakariç ishte i vetëm në krahun e djathtë, por gjuajtja e tij u prit nga Siljanovski për një goditje nga këndi.
Si Torres ashtu edhe Talevski patën raste për Vardarin në kohën shtesë, por rezultati nuk ndryshoi, kështu që skuadra vendase regjistroi një fitore të madhe në betejën për mbijetesë.
