Ekipi i Arsimit, pas humbjes së fundit në shtëpi kundër Struga Trim Lum, tani do të kërkojë një rezultat të favorshëm në ndeshjen kundër Shkendijës në Tetovë. Paraqitja në pjesën e parë të ndeshjes kundër Struga TL u jep motiv shtesë lojtarëve të Arsimit që të mund ta përsërisin të njëjtën lojë kundër kampionit aktual. Njëri prej tyre është Armin Besagić, i cili beson në një rezultat pozitiv.
"Presim një ndeshje të rëndësishme kampionati kundër kampiones aktuale, Shkendijës. Kemi respektin maksimal për ekipin kundërshtar, i cili ka pasur suksese edhe në skenën evropiane dhe që ka treguar cilësi të jashtëzakonshme", tha lojtari i Arsimit.
Besagić beson se skuadra e tij nuk ka çfarë të humbasë në këtë duel, duke ditur se favorite është Shkendija, e cila hyn në ndeshje pas një suksesi të madh evropian dhe fitores ndaj Ludogorets në playoff-et e Ligës së Evropës.
"Ne vijmë me një mentalitet luftarak dhe ekipor. Jemi të përgatitur mirë, jemi stërvitur intensivisht, kemi përsëritur udhëzimet taktike dhe përkushtimi ynë për të dhënë më të mirën në çdo moment nuk mungon. Qëllimi ynë është të luajmë me guxim dhe të përfitojmë nga çdo gabim i mundshëm i Shkendijës", shtoi Besagić.
