Një turne gjithëpërfshirës u mbajt sot në Qendrën Stërvitore Petar Milloshevski, si pjesë e aktiviteteve bazë të FFM-së.
Në turne morën pjesë tetë shkolla nga Maqedonia, katër prej të cilave ishin për nxënës me zhvillim jotipik.
Në turne morën pjesë shkolla fillore Vanço Prke nga Shtipi me nga një ekip në konkurrencën e meshkujve dhe femrave, shkolla fillore Marko Cepenkov nga Shkupi u përfaqësua me nga një ekip në konkurrencën e femrave, si dhe shkolla fillore Dimitar Makedonski nga Shkupi dhe shkolla fillore Dimitar Miladinov poashtu nga Shkupi.
Pjesë e turneut ishin edhe DSU Iskra nga Shtipi me nga një ekip në konkurrencën e meshkujve dhe femrave, DSU Shën Naum Ohridski me dy ekipe në konkurrencën e meshkujve, OURC Kliment Ohridski nga Novo Sello, Strumicë me një ekip në konkurrencën e meshkujve, si dhe OURC Idnina nga Shkupi i cili u përfaqësua nga një ekip meshkujsh.
Ashtu si në vitet e kaluara, u luajtën ndeshje të shumta, u shënuan shumë gola dhe argëtim për secilin prej më shumë se njëqind studentëve që ishin pjesë e këtij turneu.
FFM shpreh falënderime të veçanta për të gjithë pjesëmarrësit, si dhe mësuesit e tyre dhe në të njëjtën kohë vazhdon të mbështesë aktivitetet futbollistike të të gjithë personave me nevoja të veçanta, duke konfirmuar kështu vendosmërinë dhe angazhimin e saj të fortë se ka një vend për të gjithë në futboll.
