KMF Proekt fitoi trofeun e Kupës së Maqedonisë pasi që në finalen e yhvilluar në Gjevgjeli, mundi KMF Kegi Mobi nga Velesi me rezultat 8:3.
Ekipi nga Vallandova e justifikoi statusin e favoritit dhe regjistroi një fitore bindëse, ndërsa serinë e golave e hapi Goran Stojanov në minutën e 4-të. Tre minuta më vonë, Bojan Janev e bëri rezultatin 2:0, ndërsa goli i tretë ishte vepër e Martin Todorovskit, dhe tashmë në minutën e dhjetë KMF Proekt kishte epërsi prej 4:0, pasi Stojanov iu bashkua përsëri golashënuesve.
Në minutën e 19-të, Stojanov shënoi golin e tretë për rezultatin bindës 5:0, ndërsa në minutën e fundit të pjesës së parë, Trajçe Trajkov shënoi golin e parë për KMF Kegi Mobi.
Në kohën shtesë të ndeshjes, Nikola Ançevski e rriti rezultatin në 6:1, Kiril Ivanovski shënoi golin e dytë për skuadrën nga Velesi.
Në dhjetë minutat e fundit të ndeshjes, shikuesit në Gjevgjeli patën mundësinë të shihnin edhe tre gola të tjerë. Ançevski dhe Gjorgi Kocevski ishin të saktë për fituesin e trofeut KMF Proekt, ndërsa Ivanovski u fut në listën e golashënuesve për herë të dytë me golin e tretë për KMF Kegi Mobi.
Ekipi i KMF Proekt triumfoi në Kupën e Maqedonisë për herë të parë, ndërsa ekipi nga Vallandova fitoi kurorën e dyfishtë pasi konfirmoi vendin e parë në kampionatin kombëtar.
