Përfaqësuesja e Maqedonisë U-21 pësoi humbjen e katërt në kualifikueset e Kampionatit Evropian, pasi u mund nga Suedia 1:4 (1:2) sonte në qytetin e Manastirit.
Lojtarët e rinj të skuadrës sonë e hapën ndeshjen në stadiumin "Petar Miloshevski" në mënyrë të shkëlqyer dhe kaluan në epërsi me golin e Elezit pas një aksioni të bukur me Hamzën, por më pas suedezët e morën plotësisht ritmin e lojës. Me dy gola të shpejtë të Riçi Omorova në minutat e 32-të dhe 33-të, mysafirët bënë një kthesë dhe shkuan në pjesën e parë me epërsi 1:2.
Në fillim të pjesës së dytë, paraqitjet tona ishin më ofensive, por kjo nuk solli rezultate, përkundrazi, Sonkovo e rriti epërsinë në 1:3 në minutën e 60-të dhe zgjidhi të gjitha dilemat. Deri në fund, Suedia e kontrolloi me mjeshtëri ndeshjen dhe me golin e Amin Budrit në minutën e 79-të vendosi rezultatin përfundimtar në 1:4.
Ekipi i Goran Staniçit mbetet në vendin e parafundit në Grupin E me tre pikë, dhe në raundin tjetër përballet me një duel me liderin, ekipin kombëtar polak.
