Përfaqësuesja e Maqedonisë U-21 barazoi pa gola kundër Azerbajxhanit, në ndeshjen e dytë miqësore që luajti skuadra e Goran Staniçit gjatë përgatitjeve në Belek të Antalias.
Ekipi i trajnerit Goran Staniç mund të pendohet që nuk arriti të sigurojë fitoren, duke pasur parasysh numrin e madh të rasteve të humbura. Maqedonia U-21 ishte më e mirë gjatë gjithë ndeshjes dhe kundërshtari nuk arriti që kërcënojë seriozisht portën e Vasilevit.
Në pjesën e parë, Meliqi kërcënoi dy herë seriozisht portën e Azerbajxhanit. I njëjti lojtar shënoi një gol në minutën e 30-të, por gjyqtari e anuloi atë për shkak të një faulli sulmues. Kire Stojanov u gjend në një situatë të mirë në minutën e 34-të, por gjuajtja e tij ishte e pasaktë. Në minutën e 36-të, Maqedonisë iu anulua një tjetër gol, këtë herë për shkak të pozicionit jashtë loje. Dimitar Trajkov u gjend në një situatë të paligjshme.
Në pjesën tjetër të ndeshjes, lojtarët tanë të rinj vazhduan të bënin presion dhe të sulmonin. Rastet më të mira në pjesën e dytë erdhën nga Kire Stojanov dhe Adrian Zendelovski.
Ndeshje kontrolluese në Belek, Antalia;
Përfaqësuesja e Maqedonisë deri më 21 vjeç;
Azerbajxhan - Maqedoni 0:0 (0:0)
Maqedonia: Vasko Vasilev, David Dailovski, Anes Meliçi, Gjorge Xhekov, Numan Ajetoviç, Dimitar Danev (Shaban Zenku), Matej Angelov, Adrian Zendelovski, Kire Stojanov (Nikola Manojlov), Martin Gjorgievski (Teodor Nikolovski), Dimitar Trajkov;
Përzgjedhësi: Goran Staniç;
