Përfaqësuesja "A" e Maqedonisë do të përballet me Uellsin, në raundin e dytë të ciklit kualifikues për Kupën e Botës 2026. Në konferencën zyrtare për shtyp ishin trajneri Blagoja Milevski dhe Stole Dimitrievski.
Blagoja Milevski – trajneri i përfaqësueses "A" të Maqedonisë:
"Uellsi është analizuar dhe mendoj se jemi gati. Duhet të jemi të përsosur në planin taktik dhe në pjesën e vrapit dhe natyrisht që duhet të jemi maksimalisht të përqendruar, nëse duam të shpresojmë për një rezultat pozitiv.
Ne nuk jemi favoritë. Sipas renditjes dhe cilësisë së Uellsit, kemi të bëjmë me një kundërshtar me lojtarë jashtëzakonisht cilësorë. Megjithatë, në sport, favoritët nuk fitojnë gjithmonë. Varet nga ne të jemi të përgatitur maksimalisht dhe do të shohim se sa do të arrijmë një rezultat pozitiv. Uellsi është ndoshta kundërshtari më serioz që kur unë kam qenë në krye të ekipit A. Ky është një përzgjedhje kompakte, garuese perfekte, teknikisht shumë e përparuar dhe presim një provë serioze. Tani do të luajmë me një kundërshtar të ndryshëm nga ai i së shtunës.".
Stole Dimitrievski – portier i përfaqësuese së Maqedonisë:
"Para ndeshjes me Lihtenshtajnin ishte mjaft e vështirë për shkak të tragjedisë. Pas ngjarjeve të ditëve të mëparshme e kisha të vështirë të flija, sepse isha i emocionuar, pas asaj që pashë. Tani ajo që po na vjen, Maqedonisë dhe këtij populli i duhet dashuri. Duhet të jemi të bashkuar dhe të gjithë bashkë, i gjithë populli. Në këtë moment asgjë nuk ndihmon, kështu që mund të japim vetëm dashuri. Mesazhi im për njerëzit është të jenë të bashkuar.
Sa herë që vija në konferenca për shtyp, e kishim "portën e paprekur", le ta bëjmë kështu edhe kundër Uellsit. Le të jetë ky një fat i ri. Do të doja që të kishim një tjetër ndeshje të mirë, po punojmë për të dhe jemi gati. Nëse arrijmë të mbrohemi, kemi të paktën një barazim, dhe pse të mos arrijmë edhe një fitore?".
