Lojtarët e rinj të AP Brera bënë një hap tjetër të madh drejt fitimit të titullit kampion në Superligën e të Rinjve. Skuadra nga Strumica mposhti rivalin e tyre të drejtpërdrejtë Rabotniçkin me rezultatin 3:1, në derbin e sezonit.
AP Brera kaloi në epërsi në minutën e 21-të me një gol të Bojan Velkov. Në minutën e 86-të, David Dimovski shënoi golin e barazimit për Rabotniçkin, dhe në minutat e fundit mysafirët arritën të shënojnë dy herë.
Në minutën e 90-të, Riste Milev i dha AP Brerës epërsinë 2:1, dhe në minutën e tretë të kohës shtesë, Ivan Tançev vendosi rezultatin përfundimtar.
Ky është triumfi i dytë i AP Brera-s në ndeshjet kundër rivalëve të drejtpërdrejtë për titullin, pasi që shënuan fitore 4:1 ndaj Vardarit, më pak se dy javë më parë në Shkup.
Edhe pse kanë mbetur edhe 11 javë në kampionatin vendor, AP Brera ka shtatë pikë më shumë se Rabotniçki dhe një avantazh prej dhjetë pikësh ndaj Vardarit, i cili do të vizitojë Pelisterin.
Sot u luajtën edhe katër ndeshje të tjera nga raundi i 19-të. Bregalnica mposhti Tikveshin me rezultatin 8:0, dhe ndeshja kaloi në shenjë të Leon Momevski i cili shënoi katër herë, Ohrid Lihnidos mposhti Teteksin me rezultatin 4:0. Shkupi triumfoi ndaj Struga Trim Lum me rezultatin 4:1, ndërsa Shkëndija në Tetovë regjistroi një fitore 3:0 në duelin kundër Bashkimit.
Përveç ndeshjes në Manastir, të dielën do të luhen edhe ndeshjet Nju Stars – Skopje dhe Makedonija Gj.P. – Arsimi.
