Në seancën e jashtëzakonshme të Komisionit Disiplinor pranë Federatës së Futbollit të Maqedonisë, janë marrë vendimet e mëposhtme
Për shkak të organizimit të dobët të ndeshjes KF Vardar – KF Bashkimi, thirrjeve fyese dhe nacionaliste nga grupi i tifozëve të FK Vardarit dhe përdorimit të mjeteve piroteknike të palejuara, klubi KF Vardar dënohet me ndalim të pranisë së publikut në një ndeshje dhe me gjobë financiare në shumën prej 5.000 euro.
Komisioni disiplinor konstatoi se vendimi i delegatit të ndeshjes për të dhënë vërejtje për shkak të thirrjeve nacionaliste ishte i drejtë, ashtu si edhe vendimi i gjyqtarit për ndërprerjen e përkohshme të ndeshjes. Kjo tregon se të dyja masat janë marrë në përputhje me rregulloret për ruajtjen e rendit, sigurisë dhe frymës sportive gjatë zhvillimit të ndeshjes.
Komisioni disiplinor ka hapur procedurë kundër delegatit të ndeshjes KF Shkëndija Haraçinë – KF Prespa për shkak të mosdorëzimit të fakteve relevante lidhur me situatën e vendosjes së flamurit shtetëror në stadium, si dhe për rrethana të tjera që lidhen me organizimin dhe zhvillimin e ndeshjes, përkatësisht praninë e personave jozyrtarë në fushë gjatë ndeshjes.
Komisioni disiplinor do të veprojë në përputhje me rregulloret në fuqi dhe, pas përcaktimit të plotë të gjendjes faktike, do të marrë vendimin përkatës.
