Rabotniçki do të jetë sot në vizitë në Tetovë në ndeshjen e fundit të xhiros së 15-të të Ligës së Parë të Futbollit dhe do të përballet me Shkendijën. Duke pasur parasysh pozicionin në tabelë dhe bilancin modest të pikëve, për ekipin nga Debar Maalo, çdo ndeshje pasuese në kampionat do të jetë me rëndësi të madhe në betejën për mbijetesë.
Qëllimi është i qartë, duhen fituar pikë, sepse konkurrentët po largohen gjithnjë e më shumë dhe Rabotniçki duhet të reagojë.
"Jemi përgatitur mirë për këtë ndeshje dhe presim që skuadra të reagojë pozitivisht. E dimë që do të luajmë kundër Shkendisë, një nga skuadrat më të mira në kampionat, por thjesht nuk kemi zgjidhje tjetër, duhet të fitojmë pikë dhe të përpiqemi të zvogëlojmë diferencën në krahasim me konkurrentët tanë. Besoj se mund të luajmë një ndeshje të mirë", thotë trajneri Alen Tupajic.
Rabotniçki është në pozicionin e parafundit me shtatë pikë të fituara, ndërsa Shkendija është në vendin e tretë me 30 pikë.
Ndeshja në Tetovë midis Shkendisë dhe Rabotniçkit është planifikuar për në orën 13:00.
