Bordi Drejtues i Federatës së Futbollit të Maqedonisë (FFM) në seancën e sotme vendosi të mos ia vazhdojë kontratën trajnerit kryesor përfaqësues "A" të Maqedonisë, Bllagoja Milevskit, mandati i të cilit skadoi më 30 nëntor 2025, dhe që nga viti 2014 ishte i përfshirë në punën e dy ekipeve më të rëndësishme të përfaqësueses së Maqedonisë.
Gjatë mandatit të tij si trajner i përfaqësues së Maqedonisë, nga 1 gushti 2021, Milevski e udhëhoqi Maqedoninë në 48 ndeshje. Nën udhëheqjen e tij, Maqedonia regjistroi 18 fitore, 14 barazime dhe 16 humbje. Gjatë kësaj periudhe, Maqedonia arriti të fitojë dy ndeshje "play-off" për një vend në Kupën e Botës, përfundoi e para në segmentin C të Ligës së Kombeve dhe siguroi një vend në Divizionin B në edicionin e ardhshëm të Ligës së Kombeve.
Federata e Futbollit e Maqedonisë shpreh mirënjohjen e saj të sinqertë për trajnerin Bllagoja Milevski dhe stafin e tij stërvitor për punën e tyre të përkushtuar, bashkëpunimin profesional dhe rezultatet e arritura. I urojmë shumë suksese në karrierën e tij.
Bordi Drejtues i FFM-së beson se përfaqësuesja e Maqedonisë ka nevojë për energji të re dhe një motivim të ndryshëm për sfidat e ardhshme që e presin Maqedoninë. Ne besojmë se me një ekip të ri profesional, do të sillet një "frymë të re" në punën e ekipit, e cila do të mundësojë konkurrencë dhe ambicie edhe më të madhe në garat e Maqedonisë.
FFM mbetet plotësisht e përkushtuar për të krijuar kushtet më të mira të mundshme të punës, si dhe për të ofruar mbështetje maksimale për ekipin e përfaqësueses, Bashkëpunimi i deritanishëm me stafin e trajnerëve të udhëhequr nga Blagoja Milevski ka qenë në një nivel shumë profesional dhe ne e vlerësojmë përkushtimin dhe qëndrimin e tyre ndaj ekipit kombëtar. Mbetemi të gatshëm, me të njëjtin përkushtim, të mbështesim planet dhe sfidat e ardhshme të ekipit kombëtar të Maqedonisë.
Bordi Drejtues i FFM-së do të marrë vendim për emërimin e një drejtuesi të ri të ekipit kombëtar të Maqedonisë jo më vonë se 25 dhjetori 2025.
