Janë luajtur ndeshjet e javës së 10-të në Superligën e të Rinjve, pas të cilave AP Brera është ende lider, ndërsa një nga konkurrentët për renditjen më të lartë, Rabotniçki, u mposht në duelin me rivalin e qytetit, FC Shkupin.
AP Brera mposhti Bregallnicën me rezultatin 5:0 dhe mbeti skuadra e vetme pa disfatë në kampionat. Ivan Shiriç shënoi dy herë për Brerën nga Strumica, duke shënuar gola në minutat e 41-të dhe 57-të, ndërsa Bojan Velkov, Gjorgi Tançe dhe Gabriel Taleski shënuan nga një gol secili.
Shkupi festoi si mysafir në ndeshjen kundër Rabotniçkit, dhe ndeshja u vendos në minutën e 71-të kur goli i ekipit vendas u shënua nga Nejazi Nuhija.
Një gol i mjaftoi Vardarit për të fituar ndeshjen kundër Ohrid Lihnidos, të shënuar nga Ivo Markovski. Me këtë fitore, “kuqezinjtë” u ngjitën në vendin e dytë, katër pikë prapa liderit AP Brera.
Makedonija Gj.P dhe Nju Stars shënuan gjithashtu fitore si mysafir. Makedonija Gj. P triumfoi 2:1 në ndeshjen kundër Shkëndijës së Tetovës, ndërsa Nju Stars mposhti Pelisterin 4:3.
Bashkimi regjistroi një fitore 4:2 në ndeshjen kundër Teteksit, ndërsa Struga Trim Lum ishte më i suksesshlm se Tikveshi dhe festoi me rezultatin 3:2.
Kjo javë do përfundojë të hënën kur është planifikuar të luhet ndeshja Arsimi – Shkupi.
