Shkupi është ende në kërkim të fitores së parë këtë sezon, dhe sot do të përballet me liderin aktual në Ligën e Parë të Futbollit të Maqedonisë, ekipin e Vardarit. Pozicionet në tabelë janë diametralisht të kundërta, Vardari mban kryesimin ndërsa Shkupi është në fund.
Sipas zv/kapitenit të FC Shkupi, Erion Shuku, kjo është një ndeshje me rëndësi të madhe, jo vetëm për shkak të pikëve të nevojshme, por edhe për shkak të traditës dhe krenarisë së derbit të qytetit.
"Kjo është një ndeshje me peshë të madhe për ne, jo vetëm për pikë, por edhe për krenari. Ekipi dha maksimumin në stërvitje; punuam shumë, me disiplinë dhe vendosmëri, dhe kjo do të duket në fushë. Vardari hyn në këtë ndeshje me një pozicion të mirë në tabelë, por kjo nuk na tremb. Ne nuk dorëzohemi kurrë, luajmë me zemër si ekip dhe me një plan të qartë për të arritur rezultatin që duam", tha zëvendëskapiteni Erion Shuku.
Ndeshja e parë e këtij sezoni përfundoi me fitoren 4-2 të Vardarit. Ndeshja e sotme nga raundi i 15-të, Vardar - Shkupi, do të luhet në fushën e qendrës stërvitore Petar Miloshevski, duke filluar nga ora 13:00.
