Në ndeshjen e vetme të sotme të raundit të tretë në Ligën e Parë të Futbollit, skuadra e Sileksit shënoi fitore bindëse (3:0) në shtëpi kundër skuadrës së Makedonija Gj.P.
Në një duel ku vendasit dominuan plotësisht, Sileks tri herë goditi rrjetën e kundërshtarit dhe realisht mund të kishte shënuar të paktën po aq gola të tjera.
Iniciativa fillestare e vendasve u shpërblye në minutën e 23-të, kur Piresh shënoi pas një asisti nga Adi Aliq.
Sapo filloi pjesa e dytë, Martin Mirçevski, në minutën e 49-të, me një gjuajtje nga skaji i zonës së penalltisë, goditi me saktësi cepin e djathtë të portës së Efremovit, duke e çuar epërsinë në 2:0 për ekipin vendas.
Nëse goli i Kire Markoski-t do të ishte pranuar, Makedonija Gj.P. mund të ishte rikthyer në lojë dhe të shpresonte për një rezultat të favorshëm, por goli u anulua për shkak të pozicionit jashtë loje. Nga ana tjetër, seria e huqjeve të vendasve u ndërpre nga Matevski, i cili shënoi me një volej të bukur nga rreth dhjetë metra, në sekondat e fundit të ndeshjes.
Pas tre xhirove të zhvilluara, Sileksi ka 9 pikë dhe tre fitore, ndërsa Makedonija Gj.P. mbetet ende pa pikë, pas humbjeve ndaj Struga T.L., Shkendijës dhe së fundmi nga Sileksi.
