Struga Trim Lum ka marë maksimumin e pikëve dhe ka shënuar pesë fitore në kampionatin vendor të futbollit. Kampioni aktual, Shkëndija do të jetë në rolin e mysafirit kur përballet me Struga TL. Ky është padyshim derbi i javës së gjashtë, dhe vëmendja e ekipit vendas është përqendruar te sulmuesi Basirou Kompaoré, i cili ka luajtur në një formë fenomenale që nga fillimi i sezonit.
Golashënuesi shtatëlartë ka shënuar në pesë ndeshjet e kampionatit deri më tani, dhe në disa prej tyre madje ka shënuar edhe nga dy herë. Kjo e bën atë lojtarin më efikas në Ligën e Parë me shtatë gola të shënuara deri më tani.
Basiru Kompaoré do të jetë një nga asetet më të mëdha të Struga T.L. në derbin kundër Shkendijës.
"Futbolli është një lojë ekipore, një lojtar nuk mund të bëjë pothuajse asgjë kundër një ekipi të tërë, dhe jam me fat që mbështetja nga shokët e mi të ekipit është vërtet fenomenale. Do të bëjmë ç'mos në derbin kundër Shkendijës për të luajtur në nivelin më të lartë dhe për të arritur rezultatin e dëshiruar. Është e qartë se nuk do të jetë e lehtë, kampioni aktual do të jetë kundër nesh, por ne besojmë në aftësitë tona dhe sigurisht që do të kemi mbështetje të madhe nga tribunat", thotë Basirou Kompaoré përpara derbit.
Ndeshje të tilla shpesh vendosen nga nuancat, një lëvizje e mirë ose e keqe në sulm ose mbrojtje, dhe në situata të tilla Kompaore shpesh di si ta nxjerrë maksimumin prej saj.
"Sigurisht që dua një gol, por nuk ka rëndësi nëse shënoj, gjëja më e rëndësishme është që Struga Trim Lum të fitojë. Ka qenë fantastike deri tani, shpresojmë të vazhdojmë me të njëjtin stil në duelin me Shkendijën, dhe pastaj edhe në pjesën tjetër të kampionatit", tha Kompaoré.
Derbi mes Struga Trim Lum dhe Shkendijës do të luhet në orën 15:30 në stadiumin e qytetit të Strugës.
