Lideri i kampionatit vendas, skuadra e Vardarit, do të përballet me skuadrën e Arsimit, në kuadër të javës së 24-të, në stadiumin e Gostivarit, duke filluar nga ora 14:30.
Një ndeshje në të cilën Vardari është favorit absolut, por në praktikë, veçanërisht këtë sezon, kjo nuk duhet të thotë asgjë. Për shembull, Arsimi i dha një mësim Shkendijës në muajin nëntor me një fitore 3:0, pikërisht në këtë fushë, kështu që natyrshëm kujdesi duhet të jetë në nivelin më të lartë të mundshëm.
Pas asaj periudhe tronditëse në të cilën u eliminuan nga Kupa e Maqedonisë nga skuadra e Ohrit, Vardari barazoi me Strugën T.L. dhe përfundoi me një humbje në shtëpi ndaj Shkendijës, por pas saj Vardari shënoi dy fitore radhazi.
Kundër Sileksit në transfertë dhe kundër ekipit AP Brera në Todor Proeski Arena në Shkup. Në të dyja ndeshjet, Vardari shënoi fitore me rezultat minimal prej 0:1 dhe 1:0.
Vardari nuk do të luajë me ekip të plotë sot, pasi që ka disa nga lojtarët standardë që nuk do të luajnë, por kampi "kuqezi" udhëhiqet nga teza se kjo nuk duhet të jetë alibi për një rezultat të mundshëm të dobët. Përkundrazi, Vardari aktualisht ka një listë lojtarësh cilësore, nsaj të cilëve mund të mbështetet , por edhe atyre që presin me padurim një shans në stolin e lojtarëve rezervë.
