Rabotniçki është në një pozicion të palakmueshëm në tabelë, në vendin e parafundit, dhe nuk ka shumë zgjedhje, thjesht duhet të fitojë dhe të mbledhë pikë për t'u larguar sa më shpejt në seksionin e mesëm. Prandaj, dueli kundër Brerës është shumë i rëndësishëm, dhe të zgjedhurit e trajnerit Alparslan Erdem shohin një shans për t'u rikthyer te fitoret.
Rabotniçki nuk luajti dobët kundër Vardarit dhe Shkëndijës, por i humbi të dyja ndeshjet. Sipas mbrojtësit Viktor Velkoski, është koha e duhur për një fitore dhe tre pikë.
"Po punojmë shumë, po analizojmë ndeshjet dhe e dimë që pavarësisht humbjes nga Vardari dhe Shkendija, po shihet përparim në lojë. Besojmë dhe presim që kjo të ketë efekt në duelin kundër Strumicës, që të fitojmë dhe të marrim tre pikë. Në asnjë rast nuk e nënvlerësojmë ekipin e ri të Brerës, por thjesht imperativi ynë janë pikët në këtë ndeshje", tha Viktor Velkoski.
Ndeshja midis Rabotniçkit dhe Brerës do të luhet në orën 15:00 në Arenën “Todor Proeski” në Shkup.
