Pjesa e parë e sezonit në Ligën e Dytë të Maqedonisë u mbyll me ndeshjen Detonit Plaçkovica – Skopje. Ekipi nga Radovishi fitoi 1:0, ndërsa goli i fitores u shënua në minutën e 14-të dhe ishte vepër e Ivan Galevskit.
Edhe para se të luhej kjo ndeshje, ishte e qartë se pas 15 raundeve, titullin "vjeshtor" do ta fitonte Ohrid Lihnidos, i cili me 36 pikë kryeson përpara Shkëndijës së Haraçinës me 35 dhe Bregalnicës së Shtipit me 33.
Në garën për të fituar vendin e parë, e vetmja skuadër që çon direkt në klubin elitar të futbollit është Bellasica, e cila është e katërta me 31 pikë, e ndjekur nga Skopje i vendit të pestë me 29 pikë.
Në gjysmën e kampionatit, Viktor Angelov nga Shkupi dhe Ivan Gligorov nga Ohrid Lihnidos kryesojnë listën e golashënuesve me nga 12 gola secili, Andrej Simevski nga Kamenica Sada shënoi një më pak, ndërsa Bojan Spirkoski nga Belasica ishte i saktë dhjetë herë.
Kujtojmë se ngjitja direkte në Ligën e Parë të Futbollit siguron vetëm ekipi në vendin e parë, ndërsa ekipet e vendit të dytë dhe të tretë do të luajnë një ndeshje play-off me ekipet e vendeve të tetë dhe të nëntë në Ligën elitare të futbollit.
Identike me Ligën e Parë, Liga e Dytë do të reduktohet në 10 ekipe nga sezoni i ardhshëm.
Garat në Ligën e dytë, do të nisin më 21 shkurt të vitit të ardhshëm.
TABELA
- OHRID LIHNIDOS 15 11 3 1 38:10 36
- SHKENDIJA HARAÇINË 15 11 2 2 25: 9 35
- BREGALNICA 15 10 3 2 31:9 33
- BELASICA 15 10 1 4 33:14 31
- SKOPJE 15 9 2 4 32: 16 29
- NOVACI 15 8 3 4 25: 11 27
- DETONIT PLAÇKOVIÇA 15 7 5 3 21: 10 26
- OSOGOVO 15 7 3 5 23: 13 24
- KOZHUF GJEVGJELI 15 5 7 3 18: 10 22
- KAMENICA SASA 15 4 5 6 32:30 17
- TETEKS 15 5 2 8 26:28 17
- VARDAR NEGOTINO 15 3 3 9 21:46 12
- POBEDA 15 3 2 10 12:37 11
- PRESPA 15 3 0 12 16:37 9
- SLOGA VINICË 15 2 1 12 15:34 7
- GOLEMO KONJARI 15 1 0 14 8:62 3
