Në paraqitjen e parë në Lojërat Mesdhetare që po mbahen në Taranto, Përfaqësuesja e futbollit U‑20 barazoi 0:0 në duelin kundër përfaqësueses së Tunizisë.
Shpresat e Maqedonisë zhvilluan një ndeshje cilësore kundër përfaqësueses së Tunizisë dhe në disa momente patën mundësitë e tyre për të arritur te goli.
Të zgjedhurit e selektorit Aleksandar Tanevski gjatë nëntëdhjetë minutave patën tetë goditje drejt portës së kundërshtarit, nga të cilat dy shkuan drejtpërdrejt te portieri Rayen Besbes.
Të parin e dërgoi Nikola Manojlov nga goditja e lirë që në minutën e pestë, ndërsa në fillim të pjesës së dytë pati një tentativë nga Salim Arifi.
Në ndeshjen e parë të grupit tonë, Maroku dhe Tunizia gjithashtu fituan nga një pikë pasi në fund të takimit të dy skuadrat shënuan nga dy gola.
Të hënën përfaqësuesja e Maqedonisë do të përballet me Turqinë, me fillim në orën 21:00.
MAQEDONIA-TUNIZIA 0:0
Stadiumi:Xhovani Paolo II
Arbitër kryesor:Hisham Temsamani(Maroku) Hisham Temsamani (Marokë)
Asistentë:Daniele Milone, samuel Frontedu(itali) Daniele Milone, Samuel Frontedu (Itali)
MAQEDONIA: Stefan Jovanovski, Zlatko Radeski, Andrej Velkov, Adis Murati, Luka Atanasovski, Emir Shabotiq, David Mateski (Andrej Stojanovski 71’), Harun Nezirovski (Darjan Tasev 56’), Salim Arifi, Nikola Manojlov (Viktor Delov 71’), Marko Nikolovski (David Golubov 86’).”
TUNIS: Rayen Besbes, Alaedin Derbali, Youssef Hersh, Rayen Boukadida, Mohamed Amin Alala, Haitem Dau (Mohamed Rayen Rimi 78’), Zinedine Kada (Fares Busina 61’), Hamza Labidi, Walid Duib, Amen Allah Hmidi (Mohamed Yassine Shabani 61’), Mohamed Rayen Anene (Slim Hadraoui 86’).
