Përfaqësuesja e femrave të Maqedonisë nën 16 vjeç u mposht nga përfaqësuesja e Kosovës me rezultatin 2:1 në raundin final të turneut zhvillimor të UEFA-s që u mbajtë në Strumicë.
Pasi pjesa e parë përfundoi pa gola, në fillim të pjesës së dytë në minutën e 58-të, Olsa Kuçi i dha mysafirëve epërsinë 1:0.
Në minutën e 79-të, Leona Maloku e çoi epërsinë në 2:0, ndërsa në minutën e fundit të ndeshjes, Elena Naumoska shënoi golin e vetëm për Maqedoninë.
Ekipi i trajneres Katerina Mileska regjistroi një fitore dhe një humbje në tre ndeshjet në Strumicë, dhe humbi një ndeshje pasi ekzekutoi goditje nga 11-metërshat pasi rezultati ishte i barabartë pas 90 minutash lojë.
Maqedonia fitoi vendin e tretë në turne pas ekipeve të Kosovës dhe Andorrës, dhe përpara San Marinos.
Turneu në Strumicë ishte një mundësi e shkëlqyer për Mileskën për të zgjedhur gjeneratën e re të futbollisteve femra që së shpejti duhet të hyjnë në sistemin e garave të UEFA-së.
