Lojtarët e rinj të AP Brera fituan trofeun e Kupës së Maqedonisë. Kjo gjeneratë e lojtarëve të rinj nga Strumica konfirmoi dominimin e tyre gjatë këtij sezoni pasi më parë dominuan në kampionatin vendor të futbollit.
Në finale, në një ndeshje të shkëlqyer, AP Brera ishte më e suksesshme se Shkupi, veçanërisht pas ekzekutimit të 11-metërshave. Pas 90 minutash lojë, të dyja ekipet shënuan nga dy gola secila prej tyre.
Shkupi kaloi në epërsi me golin e Sudejs Çajanit në minutën e dytë, pas një goditjeje penalltie të ekzekutuar në mënyrë precize.
Pesë minuta para përfundimit të pjesës së parë, AP Brera arriti të barazojë rezultatin, dhe goli u shënua nga Matej Sejmenov.
Në pjesën e dytë, AP Brera po përpiqej të fitonte një avantazh, iniciativa ishte në anën e tyre dhe mundësia më e madhe për epërsi nuk u shfrytëzua nga Igor Ristov, i cili depërtoi i vetëm përballë portierit Sefer Musliu, por gjuajtja e tij përfundoi në shtyllë.
Mirëpo, në minutën e 75-të, Mario Mitrev arriti të shkundë rrjetën e kundërshtarit dhe të kalojë AP Brera në epërsi 2:1.
Gëzimi i ekipit nga Strumica zgjati vetëm tre minuta, Nejazi Nuhija arriti ta mposhtë Aleksandar Trajkovin dhe ta barazojë rezultatin në 2:2.
Në fund, të dyja ekipet nuk arritën të shënonin gol dhe penalltitë vendosën fituesin në finale.
Gjuajtja e penalltive ishte një betejë mes dy portierëve. Fillimisht, Trajkov arriti të priste dy gjuajtje nga lojtarët e Shkupit, dhe më pas Musliu hyri në skenë, duke bërë gjithashtu dy pritje.
Në serinë vendimtare, fillimisht Trajkovi priti goditjen e Huhisë, e më pas Bojan Velkov mposhti Musliun për triumfin e AP Brera.
Medaljet e finalistëve dhe kupa e fituesit u dorëzuan nga presidenti i FFM-së, Masar Omeragiç.
